Игор од Берово: НЕ може и недозволиво е СИСТЕМОТ во државата да одлучува КОЈ и КОЛКУ ќе ЖИВЕЕ
Игор Пехчевски од Берово, младо момче кое боледува од цистична фиброза, кој на сите нас ни е многу добро познат со неговите транспаренти, повици за помош од болнички кревет и јавни апели за донесување на лекот Трикафта во Македонија. Лек кој им е и повеќе од потребен на болните од оваа болест, бидејќи без него е скоро и невозможно да го живеат својот живот нормално, а со тек на времето, како што имавме и пример пред извесен период, за жал, и невозможно да преживеат.
Лекот во Македонија стаса, но го добија само дел од пациентите кои боледуваат од оваа болест, меѓу кои не беше Игор Пехчевски.
Тој не се откажува и продолжува да се бори за неговото право да го добие лекот, како и за правото на сите други пациенти на кои им е потребен. Како што би рекол самиот тој “Борбата ја водам подеднакво за сите мои соборци”.
Тој на својот Фејсбук профил напиша:
НЕ може никој да ми ги ускратува моите физички активности, со недонесување на лекот ТРИКАФТА за СИТЕ пациенти на кои ни одговара и пред СЕ зависии нашата ИДНИНА нашиот ЖИВОТ од лекот ТРИКАФТА.
Лекот ТРИКАФТА го бараме ВЕДНАШ и СЕГА за СИТЕ подеднакво!
ЖИВОТОТ на МЕНЕ и на останатите СОБОРЦИ е ИСТО толку многу важен и вреден како и на другите!
Она што ние го бараме е еднаков, недискриминирачки третман. Право на ЛЕК и право на ЖИВОТ.
Алтернативи нема. Постојат неколку модулартори кои се различни за различна категорија на пациенти според нивните мутации.
А постојат над 2000 мутации од кои секој пациент наследува по една од секој родител.
Трикафта е модулатор кој делува на сите пациенти кои имаат барем една копија од делта F508 (F508del) мутацијата и тоа опфаќа околу 80% од нас болните со Цистична фиброза.
Без лекот ова веќе е невозможно, додате тој и сподели фотографии од пред да биде влошена неговата здравствена состојба.
