ОГРОМНА ТАГА – Почина познатиот пејач!
Познатиот пејач и композитор ќе остане запаметен по песната „Мито, бекријо“
По кратко боледување синоќа во Белград на 92-годишна возраст почина композиторот, пејач и долгогодишен уредник на Српската радио-телевизија Радослав Граиќ.
Радослав Граиќ е роден во 1932 година во Мркоњиќ Град, Босна и Херцеговина. Имајќи наследен музички талент од неговиот татко, тој често пееше на училишни претстави.
Учил во Травник, а во 1950 година завршил гимназија во Бања Лука, каде што посетувал и музичко училиште.
Од Втората светска војна живеел во Белград, каде дипломирал историја на уметност на Филозофскиот факултет, како и соло пеење на Музичката академија.
По предлог на Дубравка Нешовиќ, тој започнува да пее во Хорот на Радио Белград, а набрзо оди на аудиција кај Властимир Павловиќ Царевац и со тоа стана вокален солист на народна музика на тоа радио.
Кога Граиќ дипломирал на Музичката академија, му било понудено да настапува во операта. И покрај неколкуте успешни проби, тој реши да се посвети на забавната музика.
Иако најмногу создавал за вокални солисти на народна музика, бил многу успешен и како композитор на забавни песни кои често и самиот ги интерпретирал.
Добитник е на бројни награди и признанија за вокална изведба и композиторска работа.
Освен како пејач и композитор, Радослав Граиќ беше и поранешен музички уредник на Телевизија Белград. До неговото пензионирање уредувал многу важни емисии и серии.
Неговата песна „Мито, бекријо“, која ја прослави Василија Радојчиќ, стана толку популарна што и денес многумина мислат дека тоа е изворна песна.
