РЕШЕНО Е: Битиќи откри колку ќе изнесува новата минимална плата

РЕШЕНО Е: Битиќи откри колку ќе изнесува новата минимална плата

Минималната плата ќе изнесува 20.175 денари и ќе биде зголемена за 2.175 денари, објави вицепремиерот за економски прашања Фатмир Битиќи.

– Тоа е резултат на грижата на Владата за сите категории граѓани.

Да обезбедиме континуирано одржлив животен стандард и поддршка на куповната моќ на нашите граѓани.

Ова е единствениот исправен пат и начин за обезбедување социјална правда и правичност – дури и во време на глобална економска криза на која и претходеше здравствената криза предизвикана од пандемијата, напиша Битиќи во објава на Фејсбук.

Во моментот во Владата се одржува Економско-социјалниот совет на чиј дневен ред е висината на минималната плата која досега изнесуваше 18.000 денари.

Секој момент се очекуваат изјави од владините претставници, синдикатите и работодавачите.

Leave a Reply

Your email address will not be published. Required fields are marked *